12:50 na ang nasa relo ng computer pero hanggang ngayon ay hindi pa rin ako tapos ng aking ineencode para sa isang requirement na ipapasa bukas (hindi ko pa ito naeedit). Pano naman kung saan-saang site na ako napadpad, mga blogs at kung anu-ano pa. Sira-sira pa ang headphone na ginagamit ko, one side lang ang gumagana. Parang mabibingi na yata ako. Kung makakapagreklamo lang ang tenga, naikulong na ako sa kasong abuse of sense organ, hehehe.

Kahit pala mga bata ay usp-usapan ang Patayin sa Sindak si Barbara at takot na takot sila dito lalo na dun sa manikang si Chelsea.

Habang nagsha-shadow teach sa isang klase, kinausap ko si Edmond, isang preschooler.

Ako: Bad ba yung ginawa niya?
Edmond: Oo. Kukunin yan ni Chelsea.
Ako: Sino si Chelsea?
Edmond: Yung doll sa PSSSB.
Ako: Ah... Kukunin yan ni Chelsea...
Edmond: Kami nga may manika sa bahay, pero itatapon na namin yun kasi baka maging Chelsea yun.
Ako: OO, pag hindi pa siya nagbehave, kukunin yan ni Chelsea, ano?
Edmond: Oo..
Ako: Sige na makinig kana kay Madam...

Si Chelsea na kaya ang makakasira sa image ni Barbie? hehe